തിരിച്ചറിവ്

തിരിച്ചറിവ്

ഡല്‍ഹിയിലെ മാനഭംഗ വാര്‍ത്ത വായിച്ച ശേഷം

ഞാനും ഉറക്കവും

തമ്മിലുള്ള അകലം

നശ്ചയിച്ചിരുന്നത് ഈ

കൊതുകുകളായിരുന്നു,

റോഡരികിലും, പഞ്ചായത്ത്

കിണറിന്റെ ആള്‍മറയിലും

'സൂക്ഷിക്കുക' എന്നെഴുതിയിരിക്കുന്നു.

വല വിരിച്ചും, ഇ-ബാറ്റ്

വീശിയും പോരാട്ടം

അവസാനിക്കുമ്പോള്‍

കൈയടിയൊച്ചയോടെ

സാഹസികാഭ്യാസം കഴിഞ്ഞ്

തിരിച്ച് പോകും,

വയറ് നിറച്ച്.

ഇന്ന് ഗ്യാലറി ശൂന്യമാണ്.

ഇ-ബാറ്റും പിടിച്ച് പിച്ചില്‍

നില്‍ക്കാന്‍ തുടങ്ങിയിട്ട്

നേരമേറെയായി.

ഒടുവില്‍

മാസ്ക് ധരിച്ചെത്തിയ

പെണ്‍കൊതുകു പറഞ്ഞു:

"ഞങ്ങള്‍ക്ക് ഇന്ത്യക്കാരെ പേടിയാണ്''